Маслинко: Естонија ни е добро позната, мора да ја победиме!

Македонската кошаркарска репрезентација ќе оди по потешкиот пат за пласман на ЕП 2025 година. Селекторот, Александар Јончевски и неговите момци по пропуштената шанса да ја победат Естонија на домашен терен во првиот квалификациски меч, сега ќе треба да обезбедат триумф против истата селекција на гостински терен од над пет поени разлика, а потоа дома да ја совладаат Полска. Но, ова не е единствениот услов за да Македонија се пласира на ЕП, ќе биде потребна услуга од Литванија во последното коло, а тоа е победа против Естонија.

Андреј Маслинко, МВП-то од Купот на Македонија вели дека под обрачите се послаби, но сите кои се најдоа на списокот на Јончевски ќе се обидат да го надокнадат тој недостаок.