Куп на ОФМ: Скопското дерби во фокусот на денешното женско куп-полуфинале

Зшницата на одбојкарскиот куп на Македонија денеска во Радовиш продолжува со одигрувањето на полуфиналните натпревари во женска конкуренција. Во салата „25 мај“, Наковски Волеј и Фит Фан Волеј ќе ја отворат полуфиналната програма од 17 часот, а во вечерниот термин од 20 часот ќе гледаме големо скопско дерби меѓу Работнички и Јанта Волеј.

„Според досегашните меѓусебни дуели на екипите кои се дел од завршницата на Купот, можам да констатирам дека нè очекуваат крајно неизвесни и интересни натпревари. Која било екипа да биде победник во сабота нема да биде никакво изненадување. Останува само да уживаме во добра игра и добра атмосфера и на крајот нека победи екипата која е најподготвена во овој момент и која ќе прикаже најдобри перформанси и секако најдобра игра“, вели Душко Деспотовски, тренерот на Работнички Скопје.