Мултиетничко Тетово испрати јасна порака, процесот е целосно делегитимиран
Сојузот на борци од НОАВМ и граѓаните продолжувачи со соопштение им се заблагодари на тетовчани за „целосниот бојкот“ на вчерашната јавна дискусија во однос на процесот за претстојните промени на имињата на улиците во општина Тетово.
Процесот е целосно делегитимиран од граѓаните, Касами остана сам на сцената глумејќи јавна дебата.
Празната сала и отсуството на граѓаните од сите националности говорат многу. Општина Тетово да ја разбере пораката и да престане со ова неразумно постапување.
Тетово е силен антифашистички град!
Изразуваме благодарност за целосниот бојкот од страна на граѓаните на опасниот и лажиран процес за промена на имиња на улиците во Тетово.
Продолжуваме да се бориме за антифашистичките вредности, против национализмот и историскиот ревизионизам! – се вели во соопштението.