Македонското студио „Фајнл Фронтиер Гејмс“ ги прекинува операциите за работа поради царините од САД врз Кина
Македонското студио за креирање на друштвени игри кое беше основано во 2014 година „Фајнл Фронтиер Гејмес“ (Final Frontier Games), задолжено за правење на неколку светски хитови во областа на друштвените игри, денес излегоа со соопштение дека ги прекинуваат своите операции за работа.
Целата проблематика доаѓа од компанијата и издавачот на друштвени игри „CMON“ со седиште во Кина, компанија која на Фајнл Фронтиер Гејмс им имаат дадено побарано голема нарачка за кинеска локализација на играта „Merchants Cove“ (нова и се уште не издадена друштвена игра). Компанијата на студиото не ни платила за ниту едно производство на играта, и дополнително ја имаат прекинато целата комункација со македонското студио. Според нив, прекинот на комуникација и неисплаќањето доаѓа по воведување на новите царини од Американската влада кон Кина.
„Чекавме до последен момент да ги добиеме средствата од нив, со што ќе можевме да ја испорачаме играта Merchants Cove: Master Craft со нивните пари. Тој ден официјално помина… Фактот што не одговорија на бројни мејлови испратени до повеќе луѓе, вклучително и до еден од сопствениците на компанијата, ни кажува дека нема да ги видиме тие пари. Иако оваа сума можеби за нив е „ситница“, за нас предизвика домино ефект со катастрофални последици. Бидејќи не можеме да ја испорачаме таа игра, не можеме со чиста совест да го лансираме следниот наслов што беше планиран за наредната недела – знаејќи во која насока оди сето ова. Бидејќи таа кампања веќе не е опција, доминото почна да паѓа.“ стои во соопштението од студиото.
Најголемиот удар со кој што се соочува сега македонското студио е целосно отпуштање на сите вработени, после повеќе од 10 години активна работа. Група од голем број на луѓе со големи сонови и пасии, преку вечер остануваат без работа на позицијата што ја сакаат.
Сите игри кои што досега се испорачани стојат во магацините на Центарите за испорака. Од студиото велат дека досега имале целосно разбирање за ситуацијата, но веќе започнале да испраќаат фактури за залихите што ги чуваме кај нив. Тие ќе почнат да го продаваат делот од залихите што не е од Кикстартер кампањата, за да ги покријат своите трошоци.
„Банките започнаа да не бараат за да си го наплатат кредитот што го зедовме минатата година. За многу кратко време, малите парични резерви што ги имавме и капиталот во залиха во магацините почнаа да се трошат без никаков директен приход – банката мора да наплати, магацините мора да ја продаваат нашата роба – така што дури и да се случи тој неверојатен пресврт тие да одлучат да платат утре, се плашиме дека ќе биде предоцна.“, стои во соопштението.
„Не можеме доволно да ја нагласиме сериозноста на ситуацијата и ненадејниот пад на компанијата. Емотивно сме уништени, тажни, имаме празнина која ќе биде потребно многу време да се залечи – ако воопшто се залечи. До неодамна, уште ги финализиравме рекламите за следната кампања, разговаравме со рецензенти, Coloma влезе во продукција, ги развивавме идните проекти и склучувавме договор за дистрибуција со QML – нешто што ни недостасуваше 4 години… надевајќи се дека парите ќе пристигнат. Сите наши соништа и надежи исчезнаа. 10 семејства кои хранеа дома преку Final Frontier Games, кои имаа стабилни, креативни и добро платени работни места, сега се соочуваат со екстремна неизвесност и без финансиска стабилност. Навистина живееме во најмрачната можна верзија на иднината.“ известија од Фајнл Фронтиер Гејмс.
Што довело до ова?
Според студиото првичните трошоци за транспорт требале да чинат околу 27.000 долари. Студиото имале 9 контејнери полни со игри, а цената по контејнер тогаш била околу 3.000 долари. До моментот кога Merchants Cove била ставена на бродовите за испорака, сметката што ја добиела студиото била околу 22.000 долари по контејнер.
Во последните пресметувања, целиот трошок од 27.000 долари скокнал на околу 250.000 долари, каде што овде спаѓаат сите трошоци за достава на сите купувачи во сите земји околу светот. Тие трошоци целосно ги избришале профитите на студиото за таа игра, што морале да повлечат средства од други проекти, надевајќи се дека загубите ќе им сепокријат наскоро.
„За нашите останати проекти, особено овој, фабриката ни даде многу долг период за враќање на трошоците – практично го изработија проектот на свој трошок, а ние ќе ја отплатуваме сумата секогаш кога ќе оствариме профит, сè додека не се раздолжиме. Со планот за продукција на тие игри, и профитот од дополнителните примероци на Merchants Cove што планиравме да ги продаваме на дистрибутери, како и локализациските договори за Coloma и The Sixth Realm, требаше да има доволно средства за да се испорача овој проект. Реструктуирањето на компанијата беше започнато не само за да испорачаме што е ветено, туку и да го забрзаме времето на испорака на идните проекти и да се фокусираме на долгорочен раст. Повлековме повеќе работа внатре во тимот, потпишавме 6 одлични игри за наредните 3 години, дури водевме разговори со инвеститори кои сакаа да вложат во нашата визија. Целата 2024 ја поминавме во преговори и работа на реструктуирањето.“ стои во соопштението.
„Сите тие планови се срушија кога сфативме дека нема да можеме да ги наплатиме парите што ни се должат. Со локализациските партнери, условите се речиси секогаш следни: 50% од фактурата пред почетокот на продукција, 50% по нејзино завршување.“ се дополнија од студиото.
Што ќе се случи со Фајнл Фронтиер Гејмс?
Од студиото информираат дека не сакаат да бараат дополнителни средства од фановите за испорачување на оваа игра. Причина за ова е дека студиото не може да им гарантира на фановите дека нивните пари се безбедни и дека ќе помогнат во се ова. Имаат долгови кон магацините, големи кредит што банките веќе почнале да го наплатуваат