СДСМ го стартува процесот за избирање на кандидати за локалните избори

Централниот одбор на СДСМ донел одлука со која се овластува партискиот лидер Венко Филипче да отпочне разговори со постојните коалициски паартнери како и со потенцијални нови коалициски сојузници за настап на претстојните локални избори.

СДСМ ја почнува постапката за утврдување на кандидатите за советници и градоначалници за претстојните локални избори.
Одлуката за старт на оваа постапка, е донесена на синоќешната седница на Централниот одбор (ЦО) на партијата. Во оваа насока, ЦО на СДСМ го усвоил правилникот и роковникот за постапката, како и начинот и критериумите за утврдување на кандидатите на СДСМ.

Преку отворена, инклузивна, транспарентна и демократска внатрепартиска постапка, СДСМ заедно со своето членство ќе ги избере најдобрите кандидати за локалните избори. Целта е СДСМ да биде претставена од способни и кредибилни личности, кои уживаат доверба и во својата околина, и меѓу сопартијците, но и од граѓаните кои живеат во општините. Луѓе кои можат да испорачаат резултати и имаат капацитет да ја спроведат програмата со која партијата ќе настапи пред граѓаните.

велат од Социјалдемократскиот сојуз по синоќешната седница на ЦО.