Мега понуда на Реал за Винисиус: Шпанците ги открија деталите од договорот!

Реал Мадрид му понуди на Винисиус Јуниор 100 милиони евра за продолжување на договорот до 2030 година. Клубот верува во бразилскиот крилен напаѓач и ќе го задржи во следните пет години, објавува „Ас“, додавајќи дека сè е договорено и дека само чекаат потпис на Винисиус според понудата на клубот. Ова ќе се случи по завршувањето на сезоната во шпанското првенство и пред почетокот на Светското клупско првенство.

Винисиус се согласи на плата од 75 милиони евра во текот на пет сезони кога го продолжи договорот во 2022 година. Според тој договор, тој заработуваше просечно 15 милиони евра нето по сезона. Сега, со ова ново обновување, се приближува до бројката од 20 милиони нето годишно.