Каја Калас: ЕУ сè уште верува во „План А“ за Северна Македонија

Високата претставничка на ЕУ за надворешни работи, Каја Калас, при денешната посета на Скопје порача дека ЕУ сè уште се надева на успехот на планот А за напредок на Северна Македонија кон членство во Унијата.

Ако преминеме на план Б, тоа значи дека сме се откажале од планот А. Ние не сме таму – уште работиме на планот А.

изјави Калас, алудирајќи на тоа дека сè уште има надеж и политичка волја за решение.

Таа истакна дека ЕУ е свесна за пречките што ја блокираат земјата, и дека се разгледуваат механизми за нивно надминување.

Според Калас, Северна Македонија припаѓа на ЕУ и е сигурен партнер, особено поради усогласеноста со надворешната и безбедносната политика на Унијата.

Таа го повтори ставот дека напредокот е можен – ако постои политичка волја, наведувајќи ги Албанија и Црна Гора како позитивни примери.