Филипче: „6 милијарди евра заем без транспарентност е неприфатливо“

Претседателот на СДСМ, Венко Филипче, во синоќешната средба со членството во Гостивар, ја критикуваше Владата за, како што рече, нетранспарентно задолжување на државата во износ од 6 милијарди евра.

Според него, јавноста не е информирана за:

• Условите на заемот

• Каматните стапки

• Роковите за отплата

Филипче обвини дека договорите се кријат под наводен „стратешки договор со Велика Британија“, и дека постои обид да се избегне Законот за јавни набавки.

Тој предупреди дека овој пристап ја одалечува земјата од ЕУ, особено затоа што проекти како железничката инфраструктура можат да бидат финансирани со грантови од Унијата, наместо со скапи заеми.

Ќе ги задолжиме идните генерации, а можеме да добиеме поповолни средства.

заклучи претседателот на СДСМ, Венко Филипче.