Мајмунски сипаници во Македонија, властите велат да не се крева паника

Двајца мажи од 40 и 44 години од Скопје се пациентите кои се заразени со мајмунски сипаници. Според податоците од надлежните, двата случаи не се меѓусебно поврзани а ниту еден од пациентите не патувал надвор од државата во последниот период.

Директорката на институтот за јавно здравје, Марија Андоновска рече дека еден од пациентите е веќе хоспитализиран додека другиот пак се уште не се пријавил на клиника.

Марија Андоновска директорка на Институт за јавно здравје: По лабораториски потврдените резултати кај двајца пациенти ијз веднаш пристапи со известување на сите релевантини институции и во неполни 12 часа беа исконтактирани сите и беше напревано се. Сакам да упатам смирувачки тонови до јавноста иако се работи за инфективно заболувње иако за прв пат е потврдено кај нас сепак ова не е ново заболување.

Епидемиологот Драган Кочински пак, објасни дека пациентите се со полесна слика, а веќе се истражуваат нивните контакти со цел поголема превенција.

Драган Кочински епидемиолог: Пациентите се со полесна клиничка слика, едниот е хоспитализиран заради изолација. Во однос на контактите пациентите соработуваат, каје дниот имаме две фамилии кои се наведени како контакт а кај другиот имаме информации но не би сакал да коментирам сега.