Трајко Славески избран за нов гувернер на Народната банка
Собранието на Република Северна Македонија доцна синоќа го избра Трајко Славески за нов гувернер на Народната банка. За неговиот избор гласаа 68 пратеници, додека 16 беа против.
Славески е универзитетски професор по економија и поранешен министер за финансии во владата на Никола Груевски. Во последниот мандат беше претседател на Советот на Град Скопје.
Тој на функцијата ќе ја наследи досегашната гувернерка Анита Ангеловска-Бежоска, која ја водеше институцијата во турбулентен економски период обележан од пандемија, енергетска и ценовна криза, и геополитички тензии.
Именувањето на Славески доаѓа во време на значајни економски предизвици, а јавноста ќе го следи неговото прво обраќање и чекорите што ќе ги преземе како нов лидер на централната банка.