Сиљановска-Давкова: „Родовата еднаквост не е бројка, туку слика на општествената стварност“

Претседателката Гордана Сиљановска-Давкова се обрати на конференцијата „25 години родови податоци“, организирана од Државниот завод за статистика во партнерство со UN Women и амбасадата на Кралството Шведска.

Во своето обраќање, Сиљановска-Давкова им честиташе на организаторите за јубилејот и ја истакна важноста од точни и сеопфатни податоци кои ја отсликуваат реалноста на сите граѓани – не само на доминантните, туку и на маргинализираните групи што предолго биле „невидливи“ за општеството.

Родовата еднаквост не е само статистика, туку реална општествена слика – цел што може да се постигне само со солидарност, соработка и учење едни од други.

порача таа и додаде дека секој податок претставува нечиј живот, секоја бројка раскажува вистинска човечка приказна, и трудот на секој човек – без оглед на полот – мора да биде еднакво вреднуван.

Конференцијата, воедно, е дел од активностите за одбележување на 80 години од основањето на Државниот завод за статистика.