САД ги нападнаа трите главни нуклеарни погони на Иран – Трамп: „Фордо повеќе не постои“

Американскиот претседател Доналд Трамп изјави дека американските сили извршиле „исклучително успешен напад“ врз три ирански нуклеарни постројки, вклучувајќи го и подземниот објект Фордо, кој го нарече „драгоцен камен“ на нуклеарната програма на Техеран.

Сите авиони се безбедни и се враќаат дома.

напиша Трамп на социјалната мрежа Truth Social, честитајќи им на, како што рече, „нашите големи американски воини“.

Според него, нападот ги погодил објектите во Натанс, Есфахан и Фордо. Шест бомби за уништување на бункери биле фрлени врз Фордо, а 30 ракети Tomahawk биле насочени кон другите постројки. Американскиот претседател за Fox News изјави дека „Фордо повеќе не постои“.

Анонимни американски официјални лица потврдија за агенцијата Reuters дека во нападот учествувале B-2 Stealth бомбардери, кои фрлиле целосен товар од бомби на објектот Фордо.

Претседателот Трамп додаде дека САД дипломатски го информирале Иран дека не планираат промена на режимот, ниту дополнителни напади, нагласувајќи дека досегашната интервенција претставува „сè што САД планираат да преземат“.

„ИРАН МОРА ДА СЕ СОГЛАСИ НА ОКОНЧУВАЊЕ НА ОВОЈА ВОЈНА“, напиша Трамп во пораката на Truth Social.