Прогласена кризна состојба на цела територија на државата поради пожарите

Владата денеска донесе одлука за прогласување на кризна состојба во траење од 30 дена на целата територија на државата, поради зголемената појава на пожари и ризикот по безбедноста на населението и имотот.

Како што соопшти портпаролката на Владата, Марија Митева, одлуката е донесена по предлог на Управувачкиот комитет за координација и управување со системот за кризи, кој одржа итна седница денеска.

Ова значи дека на терен се овозможува интегриран пристап и координирано делување на сите надлежни институции – Армијата, полицијата, противпожарните единици, Центарот за управување со кризи, Дирекцијата за заштита и спасување, како и општинските власти.

изјави Митева.

Таа додаде дека ќе се мобилизираат сите расположливи ресурси, како човечки, технички и логистички, со цел да се справи со огнената стихија и да се заштити животот, здравјето и имотот на граѓаните.

Владата, како што истакна Митева, ќе обезбеди итна помош за сите засегнати подрачја и апелираше до граѓаните да бидат максимално внимателни, строго да ги почитуваат сите препораки, забрани и мерки за заштита од пожари.

Кризната состојба ќе важи од денеска на целата територија на Македонија, а институциите остануваат во постојана координација и состојба на зголемена готовност.