Ал Џезира Балканс се затвора

По 14 години емитување, Ал Џезира Балканс престанува со работа. Одлуката е донесена од менаџментот во Доха, Катар, кој најави затворање на централното студио во Сараево, како и сите дописништва низ регионот, вклучително и она во Скопје.

Според официјалното соопштение, причината е „промена на бизнис фокусот“ и нови стратешки насоки на медиумската мрежа. Со тоа, над 100 медиумски работници – новинари, уредници, сниматели и технички персонал – ќе останат без работа.

Ал Џезира Балканс важеше за еден од највлијателните регионални медиуми, со покривање на настани од целиот Балкан со професионален и аналитички пристап.