Пожарот меѓу Желино и Еребино добива воздушна поддршка – активирани армиски хеликоптер и „Ер трактори“

Пожарот кој беснее помеѓу селата Желино и Еребино, зафатил сува вегетација и грмушки, а поради неговиот обем и тежок терен, Дирекцијата за заштита и спасување најави вклучување на два авиона „Ер трактор“ од 16 часот за воздушна интервенција.

Веќе е ангажиран еден армиски хеликоптер, а на терен се делува и со:

• полициски камион марка МАН со цистерна од 8 тона и воден топ,

• два пинцгауери,

• возило тип „хермелин“,

• 30 припадници на Армијата,

• повеќе екипи од Скопската бригада за противпожарна заштита,

• и пожарникари од ТППЕ Тетово.

Надлежните апелираат на внимателност и соработка од граѓаните, а Дирекцијата нагласува дека се преземаат сите можни мерки за спречување на проширување на пожарот кон населени места и објекти.