Франција ја признава независна Палестина

Официјалното признавање ќе биде објавено во септември, за време на Генералното собрание на Обединетите нации во Њујорк.

Францускиот претседател Емануел Макрон најави дека Франција ќе ја признае Палестина како независна држава – чекор кој тој го нарече израз на „историската посветеност на Франција на праведен и траен мир на Блискиот Исток“.

Во неочекувано обраќање на социјалната мрежа X, по месеци на неодлучност и навестувања за можно признавање на палестинската државност, Макрон истакна дека официјалната одлука ќе биде објавена во септември, на собирот на ОН во Њујорк.

„Најитно сега е да престане војната во Газа и да се обезбеди помош за цивилното население“, подвлече Макрон.