Коалицијата Вреди ги утврди кандидатите за локалните избори – Меџити, Лимани и Касами меѓу претендентите за градоначалнички места

Вицепремиерот и министер за животна средина, Изет Меџити, министерот за социјална политика, демографија и млади, Фатмир Лимани, и актуелниот градоначалник на Тетово, Билал Касами, ќе бидат дел од кандидатите за градоначалници на коалицијата Вреди на претстојните локални избори во октомври.

Кандидатурите се резултат на договор постигнат на вчерашната средба на лидерите на партиите членки на коалицијата. Според договорот, коалицијата Вреди ќе настапи со следните кандидати:

• Чаир – Изет Меџити

• Тетово – Билал Касами

• Кичево – Фатмир Лимани

• Гостивар – Фадил Цана

• Сарај – Мухамед Елмази

• Дебар – Фисник Мела

• Боговиње – Фети Абази

• Теарце – Даут Мемиши

• Желино – Блерим Сејдиу

• Брвеница – Хаќим Рамадани

• Студеничани – Афет Јашари

• Липково – Неџмедин Садику

• Врапчиште – Хамит Шабани

• Арачиново – одлука се очекува меѓу двајца кандидати

Формалната потврда и официјализација на кандидатите се очекува од страна на раководството на коалицијата во наредниот период.