Скопје урива светски рекорди – денес петти најзагаден град

Според податоците на платформата за мерење на загаденост на воздухот „Ај-кју ер“, Скопје и денес е најзагаден град во Европа и петти во светот.

Утрово околу 10 часот и 31 минута, главниот град се искачи веднаш по Лахор, Делхи, Ханои и Чонгкинг.

Со индекс од 165, воздухот во Скопје се нареди во категоријата на „нездрав воздух“, означена со црвена боја.

Најзагадено е во Лисиче, а потоа е кај Ректорат и во Гази Баба.

Главен загадувач што е наведен се ПМ 2,5 честичките, чија концентрација е 74,9 микрограми на кубен метар, додека ПМ 10 честичките се со концентрација од 84,5 микрограми на кубен метар.