И Исланѓаните лути на судењето: Хрватска играше со девет на седум…

За судењето и фаворизирањето на некои репрезентации на ова Светско првенство, очигледно не беа лути само Македонците. По вчерашаната победа на Хрватска над Словенија, лавина негативни коментари за судиската арбитража на мечот во загрепската Арена, стигнаа и од ракометните навивачи од Исланд.

„На Хрватска и помогна тоа што 55 минути играше со девет против седум“, „Судиите многу им помогнаа“, „Натпреварот беше наместен“, „Каква срамота за судиите“, „Ракометот никогаш нема да биде сериозен спорт додека ИХФ не го реши прашањето за очигледно корумпираните судии“…, се само дел од коментарите на исландските фанови.