Повреден студент-редар и професор на Електротехничкиот факултет во Белград
Во раните утрински часови на 15 март 2025 година, околу 1 часот по полноќ, пред зградата на техничките факултети во Белград се случи инцидент во кој беа повредени студент-редар и професор од Електротехничкиот факултет (ЕТФ), јавува ТВ Н1. Според објавата на Инстаграм профилот „ЕТФ во блокада“, по нападот интервенирала полицијата, но студентите изразија загриженост дека ситуацијата е само привремено решена, бидејќи постојат индикации дека напаѓачите се поврзани со поголема група која била забележана како влегува во објект спроти факултетот. Поради стравувања од повторување на инцидентот, студентите ги повикаа граѓаните да се соберат пред факултетот во текот на ноќта.
View this post on Instagram
Овој инцидент се случи во контекст на тековните студентски протести и блокади. На 7 декември 2024 година, студентите од ЕТФ, заедно со колегите од Архитектонскиот и Градежниот факултет, организираа акција „Застани Србијо“, при што го блокираа сообраќајот пред зградата на техничките факултети.
На 8 декември 2024 година, студентите повторно ја спроведоа акцијата „Застани Србијо“, блокирајќи го сообраќајот пред ЕТФ на 15 минути. Тие носеа транспаренти со натписи како „Ние сме сигналите за промена на системот“ и „ЕТФ пружа отпор“, истакнувајќи дека „немаше да ја има оваа крв ако сè беше според законот“.
За денеска во Белград е најавен општонароден собир кој ќе трае во текот на целиот ден.
Студентите дочекани во Белград, се очекува најголемиот протест во историјата на Србија