САД во српските и македонските медиуми пред и за време на Трамп

Анализата споредува како во Македонија и Србија се прикажуваат Соединетите Американски Држави во нивните медиумски екосистеми – пред и по враќањето на Трамп во Белата куќа.

Во Северна Македонија, САД остануваат силен стратешки сојузник, иако вниманието се префрла од институционалните врски кон личното влијание на Трамп.

Во Србија, скептицизмот кон САД опстојува, но има забележителен пораст и на проамериканските и на про-Трамп наративите, откривајќи покомплексен медиумски пејзаж од очекуваното.

Студијата е заснована на податоци за развојните геополитички наративи на Западен Балкан, нагласувајќи како промените на чувствата често пати се поврзани не само за политиката, туку и за личностите. Зошто е ова важно? Затоа што наративите ја обликуваат дипломатијата, довербата и иднината на регионалната соработка, пишува во анализата.