Анчелоти никогаш не бил поблиску до кормилото на Бразил

Претходните денови се почесто се шпекулираше дека Реал Мадрид на крајот од сезоната ќе му се заблагодари на Карло Анчелоти за соработката, а за тоа наводно се повеќе е свесен и самиот стратег, кој наводно веќе нашол нов ангажман.

Првата и главна се однесува на репрезентацијата на Бразил, бидејќи Бразилците долго време го „бркаат“ италијанскиот стратег. Но, и покрај тоа што неколку пати беа одбиени, тие не се откажаа и се чини дека можеби конечно ќе успеат да ја исполнат својата цел. Шпанскиот весник Релево наведува дека Бразилците и Анчелоти повторно воспоставиле контакт и дека Италијанецот никогаш не бил поблиску до клупата на „Кариоките“.