Јапонското Саке прогласено за нематеријално културно наследство

Традиционалните јапонски вештини за производство на алкохолниот пијалак “саке” ќе бидат додадени на листата на нематеријално културно наследство на УНЕСКО, соопшти комитетот на оваа организација на Обединетите нации.

Оваа одлука беше официјално одобрена на седницата на меѓувладиниот комитет на УНЕСКО одржана во Асунсион, Парагвај. Таа уследи по предлогот на јапонската влада во 2022 година за вклучување на производството на саке на оваа значајна листа, објави агенцијата Киодо.

Производството на саке ќе биде 23-то јапонско културно добро прогласено за нематеријално наследство. Меѓу останатите признанија се и традиционалното јапонско театарско претставување “кабуки” и националната кујна “вашоку”.

Токио исто така има за цел да го номинира уметноста на калиграфијата “шодо” како нематеријално културно наследство до 2026 година, кога УНЕСКО ќе го изврши својот двегодишен преглед на номинациите.

Традиционалното производство на саке користи древна техника на ферментација на ориз и други состојки со помош на калапот “коџи”. Ова е уникатен метод каде повеќекратната ферментација се одвива истовремено во еден сад.

Ќе ја пренесеме оваа традиција на следната генерација и ќе ја искористиме можноста за промовирање на регионална ревитализација и проширување на бизнисот на меѓународно ниво

изјави Ишиба.