Сериозна закана во Севиља: Навивачите обесија кукла на мост со кеса на глава

Навивачите на Севиља испратија заканувачка порака до претседателот на клубот Хозе Марија дел Ниго, Караско. На еден мост во овој град виси кукла која на главата има кеса и шал од Севиља, а до неа транспарент: „Јуниор, ова е твојот крај“. Од Севиља ја известиле полицијата и истрагата е во тек.

По поразот од Селта Виго минатата недела, неколку стотици навивачи на Севиља го пречекаа автобусот на тимот во тренинг кампот на клубот. Според „Марка“, цивилната гарда и националната полиција морале да интервенираат за да ѝ дозволат на екипата да влезе во комплексот. Куршуми беа испукани од воздушен пиштол, додека навивачите возвратија со навреди и фрлање јајца. Таа ноќ, фудбалерите на Севиља спиеја во кампот.