Александар Димитријевиќ нов генерален секретар на СДСМ
Централниот одбор на СДСМ, на синоќешната седница одлучи за генерален секретар да го именува Александар Димитријевиќ.
Тој доаѓа од редовите на општинскиот одбор на СДСМ – Гази Баба и е актуелен советник во општинскиот Совет.
На седницата биле донесени и одлуки за нови четворица потпретседатели и тоа: Каја Шукова, поранешна министерка за животна средина, Ана Чупевска професорка на Правниот факултет при УКИМ, Кристина Костова која доаѓа од редовите на општинскиот одбор на СДСМ Штип и Методија Илиевски од Битола.
Исто така одлучено е и да се именуваат два организациски секретари што не било досегашна практика, а тоа се: Мартин Костовски од Куманово и Љупчо Фармаковски од Општина Центар.