Охрид е домаќин на седмата Балканска олимпијада по физика за средношколци

Од 30 јуни во Охрид се одржува седмата по ред Балканска олимпијада по физика за средношколци. На олимпијадата учествуваат над 60 ученици од 14 земји од Европа и 3 земји од Азија, со нивните професори-лидери.

Натпреварот се одржува во организација на Друштвото на физичарите на Македонија, под покровителство на Балканскиот сојуз на физика, со поддршка од Европското физичко друштво, Природно-математичкиот факултет во Скопје и Универзитетот „Св. Кирил и Методиј“ во Скопје.

Дел од финансиските средства за организација на олимпијадата ги обезбедило Министерството за образование и наука.

„Тоа што овие млади олимпијци се денес во Охрид е резултат на нивната љубопитност и љубов кон науката, резултат на многу труд, колку нивен толку и на нивните професори и ментори. Тоа е формулата за градење научен подмладок што веќе утре ќе биде подготвен за откритија што ќе му помогнат на човештвото“, рече министерката Весна Јаневска.