Докторот што му советувал на Жота да патува со автомобил: Беше среќен, во понеделник требаше да оди на контрола

Докторот Мигел Гонсалвес, кој со години работеше со трагично загинатиот фудбалер на Ливерпул, Диого Жота, откри како изгледале последните часови на трагично починатата ѕвезда на „црвените“. Жота и неговиот брат имаа несреќа да им дупне гума додека престигнуваа на автопат. Откако удриле во  заштитната ограда, автомобилот се запалил, а двајца фудбалери загинаа на самото место.

„Се збогував со него и Андре околу 20:30 часот. Планираа да патуваат ноќе за да ја избегнат жештината. Планираа да застанат во хотел во Бургос. Тој беше среќен, оптимист во врска со своето закрепнување и многу посветен на новата сезона“, изјави Гонсалвеш за португалските медиуми.