СДСМ ги објави новите кандидати за градоначалници – Каја Шукова ќе се бори за Скопје

Претседателот на Социјалдемократскиот сојуз на Македонија, д-р Венко Филипче, денеска на прес-конференција ја соопшти најновата одлука на Извршниот одбор на партијата во врска со претстојните локални избори. СДСМ даде зелено светло за уште 16 кандидатури за градоначалници, меѓу кои и кандидатот за Град Скопје – потпретседателката на партијата и поранешна министерка, Каја Шукова.

„СДСМ настапува со сериозни, кредибилни и проверени кадри кои ќе ја вратат локалната власт во служба на граѓаните“, изјави Филипче.

Меѓу објавените имиња се:

• Битола – Методија Куновски, претседател на ОО на СДСМ

• Валандово – Перо Костадинов, актуелен градоначалник

• Виница – Гоце Милевски, претседател на ОО

• Зрновци – Ванчо Митев, претседател на ОО

• Кавадарци – Виктор Велевски, регионален партиски координатор

• Карпош – д-р Маја Мојсова Мијовска

• Кисела Вода – Горан Трајковски

• Маврово и Ростуше – Анес Ахмети

• Ново Село – Петар Спасов

• Петровец – Елизабета Зелениковска

• Прилеп – Петра Лукароска, претседателка на ОО

• Радовиш – Ристо Спасов, претседател на ОО

• Свети Николе – Дејан Гичев, поранешен директор во МЗШВ

• Чашка – Горан Стојановски, актуелен градоначалник

• Брвеница – Светлана Митреска Анџелковска

• Град Скопје – Каја Шукова, потпретседателка на СДСМ и поранешна министерка

Со оваа одлука, СДСМ го заокружува првиот бран на кандидати за локалните избори, а партијата најавува дека процесот на консултации и подготовки продолжува и во останатите општини.