Прв натпреварувачки ден на „Европскиот Младински Олимписки Фестивал“ во Скопје и Куманово
И официјално започна првиот натпреварувачки ден од Европскиот младински олимписки фестивал кој се одржува во Скопје и Куманово.
Натпреварувачката агенда на македонските репрезентативци и репрезентативки денеска е исполнета во следниве дисциплини:
- Атлетика
- Бадминтон
- Кошарка (во Куманово)
- Одбојка
- Стрелаштво
- Пливање
- Ракомет
Салата „Перо Наков“ во Куманово ќе биде првата спортска арена каде што силите ќе ги одмерат македонската младинска репрезентација во кошарка против селекцијата на Белгија во женски состав, а после тоа во 18:15 машките репрезентации на Македонија и Турција.
Ракометните „пресметки“ помеѓу нашите репрезентативци/ки ќе се одиграат во СРЦ „Јане Сандански“ и СРЦ „Кале“:
- Во 16:00 часот, Македонија – Исланд (жени)
- Во 18:15 часот, Македонија – Хрватска (мажи)
Во 18:00 часот, одбојкарите/ките своите сили ќе ги одмерат во СРЦ „Борис Трајковски“:
- Македонија – Италија (жени)
- Македонија – Франција (мажи)