Владата донесе одлука за намалување на бројот на електронски аукции

Владата на денешната седница ја разгледа Информацијата за обврската за намалување на процентот на електронски аукции во јавните набавки за годинава до најмногу 40% од бројот на објавените постапки. На сите органи на државната им се препорача да преземат мерки за намалување на бројот на електронски аукции во јавните набавки.

Владата денеска го утврди и го достави до Собранието полугодишниот законодавен преглед со предлози на закони и други акти по кои одлучува Собранието. Овој преглед вклучува 60 законски решенија произлезени од Програмата за работа на Владата, соопшти Секторот за односи со јавноста на Владата.